Чантата што ќе биде хит есенва
•
26 јули 2017
После репликата на чантата од „Икеа“, Баленсијага има уште еден хит за претстојната сезона.
Всушност, тој дојде и пред фамозниот „Икеа случај“, но сега особено ја доживува својата популарност.
Се работи за триаголнестиот модел од пред-есенската колекција на брендот.
фото: oraclefox.com
Иако уште со појавувањето на колекцијата, модните стручњаци посочија дека чантата ќе биде едно од најпосакуваните модни додатоци, но вистинската популарност се гледа преку уличната мода, а во тој контекст целта е постигната.
Претстојнава сезона ќе ја гледаме сè почесто. Инаку, истата е достапна и онлајн преку „Нет-а-портер“ и слични онлајн продавници, а цената се движи од 635 до 2.150 евра во зависност од големината.
Интересно е што нестандардните облици на чанти се сè подоминантни. Сè позастапени и округли облици, а предимензионираните чанти веќе одамна доминираат на модната сцена.
фото: Instagram
Ако го следиме вкусот на модните конзументи, сè што отскокнува од стандардот е прилично посакувано. Се сеќавате на чантите на „Гучи“ со инсекти, или колоритните на „Долче и Габана“? Досадните форми и бои веќе одамна се ставени на пауза, а овој нов модел од „Баленсијага“ само го потврдува тој тренд.
фото: oraclefox.com
фото: Твитер
фото: buro247.hr
