Најпосакуваните обувки за ова лето се...

И покрај тоа што денешниот ден го означува официјалниот старт на најубавото годишно време-летото, утрово повторно не пречекаа срамежливи капки дожд и тмурни облаци. Сепак, времето не треба да е главниот двигател за да имаме весело и разиграно секојдневие. Затоа денес направивме решивме да ви понудиме колоритна галерија на летни обувки кои дефинитивно ќе ви ги разубават долгите топли денови за кои сме сигурни дека нема да изостанат оваа година.

Горните сандали се на Boden, а долниот модел се на Jigsaw

Од приложените модели тренд за ова лето ќе бидат рамните обувки кои имаат едноставна линија и минимални украси. Сандалите со висока потпетица имаат класичен изглед и полна потпетица што на вашиот чекор ќе му овозможи пред сè удобност но и софистицираност. Боите кои доминираат се главно во пастелни нијанси. Градацијата на кафени тонови е исто така присутна кај поголемиот дел модели, а не изостануваат и оние во силни нијанси но и оние кои се целосно изработени од светкави камчиња или принт. Се чини дека оваа сезона ќе ги задоволи модните преференции дури и на најприбирливите дами.

Горниот модел е од брендот Nine West, атој под него е Toast

Дизајнерите играле на картата на универзалност во поглед на изгледот на летните обувки без разлика дали станува збор за сандали или влечки со цел да можат да се комбинираат и во секојдневните модни визии, но и во вечерните комбинации. Погледнете ја селекцијата на неколкуте модели и одберете го вашиот фаворит.