Бил Муреј ќе биде последниот гостин на Дејвид Летерман

Во април годинава легендарниот Дејвид Летерман домаќинот на Late Show with David Letterman, или во народот попознато како Late Nighst Show, објави дека ќе се пензионира, а сега е познато кој ќе биде неговиот последен гостин следната среда.

Честа да го затвори ова шоу ќе ја има актерот Бил Муреј. Имено, Муреј беше и првиот гостин на Летерман на 30-ти август 1993 година, а последното гостување на актерот ќе биде воедно и неговото 44-то во оваа емисија.

Дејвид и Бил во првата емисија во 1993 година

Том Хенкс пак, кој ќе го одбележи своето 60-то интервју со Летерман (сметајќи од 1984 година, па наваму), ќе ја надополни оваа недела на славење со посебна епизода во чест на водителот и шоуто, која ќе биде исполнета со изненадувања, моменти за паметење, финална Топ 10 листа и уште многу други нешта...

Својата почит кон Летерман ќе ја искажат и Џорџ Клуни, Џулија Робертс, Барак Обама, Сара Џесика Паркер, Били Кристал, Алек Болдвин, Тина Феј, Скарлет Јохансон, Џон Траволта, Брус Вилис...

Со 33-годишното искуство, Летерман (68) го држи рекордот за најдолгото late-night шоу во историјата. Во текот на кариерата освои 13 Емија.

Во август неговото место ќе го заземе Стефен Колберт.