Брижит Макрон од „Вог“ е прогласена за најдобро облечена жена. Жената што првин се најде на удар на јавноста, сега е една од омилените, посебно во модните кругови.
Својот несекојдневен стил за прва дама и доминацијата на “милитари“ капутите и палтата се нејзина препознатливост.
Каде и да се појави предизвикува внимание и со појавата и со стилот, а така беше и во неодамнешната посета во Кина.
Таа и нејзиниот сопруг Емануел Макрон беа во тридневна посета на Кина, а за таа пригода Брижит направи вистинско мало модно шоу.
Сепак, она што најмногу изненади е нејзиното појавување во долга црвена тоалета, издание во кое не ја гледаме често.
Фустаните над колена, панталоните и палтата овој пат ги замени со елегантна креација со сребрени детали и ги воодушеви сите и Кинезите, но и останатата светска јавност.
Креацијата е со потпис на „Луј Витон“, бренд на која таа му останува верна. Во првото големо интервју како прва дама за францускиот „Ел“ изјави дека не е љубител на долгите здолништа.
„Носам здолништа над колена, но не и мини здолништа. Кога бев помлада, навистина сакав да носам мини. Тогаш одевме во крајност, од премногу куси до долги здолништа. Еден ден, баба ми ме виде како носам долго здолниште и ми кажа: „Господе, изгледаш како стара баба“. И никогаш веќе не облеков такво нешто“, изјави Макрон тогаш.
Затоа, ваквото издание беше уште поголемо изненадување. Факт е дека добро изгледа во вакви изданија и би било добро и почесто да ги носи.
фото извор: express.co.uk; vogue.comч