Џенифер Лопез се враќа на музичката сцена потренди од кога и да е!

Пред точно 12 години, таа пееше дека и покрај целиот луксуз и богатство што го стекна за кратко време сè уште е „Jenny From The Block“, но се чини дека таа смета дека и сега ни треба потсетување.

Деновиве таа го објави тизерот за нејзиниот нов видео запис под името „Same“ во кој изгледа потренди од кога и да е.

На фотографиите што беа објавени од снимањето на спотот може да видиме дека пејачката е во неверојатно добра форма и на 44 – годишна возраст, а и дека за нејзиниот стил воопшто не треба да се говори.

Во спотот, таа го истакнува своето беспрекорно тело во супер тесни фармерки, тренди чизми до глуждовите, куса кожена јакна со крзно и бејзбол капа со добро познатиот знак на Њујорк.

Во текот на видеото, прекрасната пејачка се појавува и во друга комбинација со бела, нежна блузичка. Шминката и за овој стајлинг е беспрекорна, а интензивниот црвен кармин само го дополнува нејзиниот и онака неповторлив изглед.

Во продолжение погледнете го „тизерот“ за новото видео „Same“ на кралицата на поп музиката Џенифер Лопез!