ФОТО: Ирина Шајк и Бредли Купер се новата холивудска двојка

По бројните гласини дека прекрасната руска манекенка и американскиот актер Бредли Купер се заедно, двојката го потврди тоа со сочни фотографии направени низ центарот на Њујорк.

Поранешната девојка на најдобриот светски фудбалер Кристијано Роналдо на фотографиите изгледа лудо вљубено во еден од најактрактивните американски актери кој зад себе има минато со некои од најубавите американски модели и актерки.

Ова не е прв пат двојката да биде видена заедно. На неодамнешната Мет Гала тие ја поминале цела вечер заедно на забавите после настанот, но се обидувале да не бидат фотографирани од бројните папараци.

Во едно неодамнешно интервју, кога на актерот му беше поставено прашањето дали се случува нешто помеѓу него и неговата колешка Рејчел МекАдамс со која досега има работено неколкупати, тој изјави дека отсекогаш имало хемија помеѓу нив.

„Секогаш си велев дека е многу лесно да се работи со неа. Таа секогаш е толку концентрирана на работата и е неверојатно силна“, изјави Купер во интервјуто.

Но, судејќи според фотографиите, актерот очигледно конечно ја нашол својата сродна душа.