Откако Бруклин Бекам сподели со јавноста дека ја побара за жена својата избраничка, актерката и модел Никола Пелц, јавноста уште повеќе ги насочи очите кон познатото семејство.
Така, неодамна идните младенци беа „фатени“ од фотографите како излегуваат од бутикот на Викторија Бекам во Лондон, а друштво им прави малата Харпер.
Всушност, таа и го украде сето внимание, бидејќи најмалиот член на семејството Бекам ретко се појавува.
Деветгодишната Харпер, облечена во бело фустанче со карнери и бела долга тексас јакна, со долга пуштена брановидна коса, изгледа како мала самовила.
Многумина коментираат дека малата станува вистинска убавица и се' повеќе личи на мајка си.
Освен Ромео Бекам, кој очигледно повеќе ги наследил гените на Дејвид, Бруклин, а особено Круз неодоливо потсетуваат на Викторија, а сега многумина сличност наоѓаат и кај малата Харпер.