Кејт Мос ќе биде дел од уредничкиот тим на британски „Vogue“

Од следната година Кејт Мос ќе биде дел од редакцискиот тим на  британскиот „Vogue“, во улога на моден уредник, што на некој начин е очекувано бидејќи оваа убавица рекорден број пати ја красела насловната страна на магазинот, често е присутна низ содржините и природно е поврзана со неговиот уредувачки тим.

„Јас сум пресреќна што Кејт ќе работи со нас. Нејзиниот неверојатен сенс за стил, широкото познавање на модниот свет и модата воопшто ќе донесе една револуција и вистинско освежување на страниците на списанието. Со нетрпение го очекуваме нејзиното присуство во канцелариите за да отпочнеме со работа на нови проекти и реализација на нови идеи“, изјави Александра Шулман која е главен и одговорен уредник на списанието.

Работата на Кејт во главно ќе се состои во избор на фотографии, едиторијали и модели кои треба да бидат објавени во списанието.