Кристијан Лакроа дизајнираше нови костими за Париската опера

Новиот ангажман на францускиот куториер Кристијан Лакроа за Париската опера се однесува на дизајнирање на костими за балетската претстава „Le Palais de Cristal“ која ќе ја изведе балетската група „George Balanchine“ именувана според познатиот руски кореограф.

Оваа балетска група која за прв пат настапува на сцената на Париската опера во 1947 година, се враќа со свој перформанс во мај за кој токму Лакроа се потпишува како костимограф.

Познатиот куториер соработува со Париската опера од доцните 80-ти години, а како костимограф се потпишува на четири проекти реализирани во рамките на оваа национална куќа.