Ветеранот на модната фотографија Дејвид Бејли отвори фото изложба во Лондон

Англискиот џет-сет се собра во Националната Портрет Галерија во Лондон, за да го прослават отворањето на новата изложба на ветеранот на модната фотографија Дејвид Бејли. Меѓу гостите се најдоа: Кејт Мос, Џери Хал, членовите на бендот „Дјуан Дјуран“, како и уредници на модни магазини и колеги на Бејли, кои со своето присуство му ја дадоа поддршката на еден од пионерите на модната фотографија.

Изложбата насловена „Bailey’s Sturdust“, се состои од 250 портрети, меѓу кои се таквите на: Џек Николсон, Кејт Мос, Мик Џегер и многу други.