Софија Вергара во романтична пролетна комбинација

Актерката Софија Вергара вчера се појави на премиерата на филмот „Ready Player One“ во Лос Анџелес. Таа се појави во друштво на сопругот Џо Mанганело, а изборот на облека е совршен за актуелната пролетна сезона.

Вергара се појави во фустан од брендот „Оскар де ла Рента“. Се работи за креација со цветен принт. Фустанот во горниот дел е топ без ракави. Половината е истакната со ремен, додека здолништето почнува да се шири од делот кај куковите.

Ова е идеален крој за тие што сакаат да ги сокријат недостатоците во пределот на колковите, задникот или долниот стомак.

Овој романтичен, пролетен фустан, 45-годишната актерката го усогласи со сандали во пастелно розова нијанса, едноставна клач чанта и минимален накит.

Воедно ова е предлог како можете да изгледате сезонава. Ако не се чувствувате комотно горниот дел да ви биде откриен, секогаш можете да додадете убава шал-марама или пак кратко сако.