Бела кошула во летна варијанта

•

15 мај 2023

Ако сакате да вложите во безвременско парче облека што често ќе можете да го комбинирате белата кошула е полн погодок.

Иако порано се сметаше за составен дел на машката гардероба, денес белата кошула е речиси неизоставен дел од стајлингот на дамите. Тоа се должи на нејзината прилагодливост, односно на можноста да се спои со сè.

Почнувајќи од деловните комбинации каде, кошулата е дел од пропишаниот дрес код, па сè до дневни кежуал варијанти.

Одлично се сложува со тексас парчиња создавајќи непогрешлив и тренди аутфит.

Доколку сте расположени за малку поразигран стил додадете малку боја и добивате впечатливост и едноставност во едно.

Белата кошула може да се носи во вечерни комбинации како детаљ којшто на гламурозниот стајлинг ќе му даде доза на опуштеност.

Идеална е за топлите летни денови, а врзана на струкот добива димензија на тренди естетика.

Тука се проткајува и спојката со кроп топ, што и летово ќе биде прилично застапена.