Деловен стил кога темпратурата е +30’C

Високите летни температури, честопати се ограничувачки фактор при изборот на облека кога се работи за деловниот изглед. Аутфитот истовремено треба да го чувствувате пријатен на себе, соодветен на работната функција, а сепак шик и автентичен за вашиот стил.

Но, идеи никогаш не недостасуваат доколку малку се потрудите и побарате инспирација барем на социјалните мрежи или на модните блогови кај оние модни блогерки чиј имиџ е близок до вашиот стил.

Имајте во предвид неколку основни правила што ќе ви помогнат во овој случај: внимавајте на материјалот од кој е изработена облеката – природните, лесни материјали се секогаш соодветен избор, селектирајте неколку основни парчиња што ќе ги имплементирате во различни варијанти (панталони со висок струк, бела кошула, лелеаво здолниште, миди фустан, блејзер), а удобните и квалитетни обувки се меѓу приоритетите со кои ќе му дадете беспрекорен финиш на вашиот деловен изглед.

Помеѓу актуелните тенденции, ќе наидете на богат избор кој е во прилог на урбаниот, а истовремено пријатен, деловен стил. Тука ќе ги споменеме женствените фустани со нагласен струк со ремен, со принт во пруги или цветови или пак во пастелни нијанси.

Здолништата и панталоните со висок струк се секогаш добар избор за модерен деловен аутфит, а во спој со чевли на висока потпетица, се совршена комбинација.

Ленените кошули и фустани со ракави, како и ленените панталони се неизбежен летен избор токму поради тоа што се пријатни и и дозволуваат на кожата да „дише", па затоа не ги занемарувајте кога го комбинирате вашиот аутфит за следниот деловен состанок.

Фото извор: Пинтерест