Кожно здолниште - тренд што никогаш не излегува од мода

•

4 јануари 2024

Кожното здолниште или здолништето од еко кожа, дефинитивно ќе ги има своите пет минути во 2024-та.

За ова парче знаеме дека е едно од омилените на жените кои ја сакаат модата, од причина што е безвременско, динамично, зрачи со посебен шарм и секогаш остава впечаток.

Ова здолниште е спој на елеганција и луксуз, без разлика каков модел ќе одберете, мини, миди или макси.

Ја истакнува женската силуета, а во однос на боите црната е таа која што доминира. Може да се најде во окер, кафена и бордо варијанта во широк или потесен крој.

Кога станува збор за комбинирање на кожното здолниште во зима, модните блогерки го преферираат џемперот, односно ролката, а во комбинација влегуваат и кошулите, особоено со миди моделот.

Високите чизми се создадени за оваа стилска игра, како и оние над глужд, а дамите кои сакаат да бидат различни ги носат и со патики.