Истакнатите рабови потенцирани со детали како патентите допринесуваат за изглед кој асоцира на градска урбаност, силен став на консументот, како и смел избор во однос на парчињата облека. За претстојната есен, дизајнерите и модните брендови на писта од своите пред есенски и ready to wear колекции, понудија парчиња каде неизбежно е да се забележи дека акцентот е ставен на патентите чија поставеност само дополнително ги истакнува линиите од кројот, но и такви што создаваат двојна визуелна игра.
Доколку ги сакате патентите како додатоци на облеката, многу наскоро низ бутиците ќе можете да ги сретнете на кежуал и коктел фустани, спортски блузи, маички, јакни и здолништа. Иако алудираат на посилната карактерна страна од сензибилитетот на личноста што ги носи, ваквите парчиња лесно можете да ги комбинирате и во поромантични комбинации. Наш совет е секогаш да избирате такви во еднобојна варијанта, зашто на тој начин патентите доаѓаат во преден план.