Кутија за веренички прстен што запросувањето го прави неповторливо

Не станува збор за шпионска направа, туку за предмет кој моментот на запросувањето ќе го направи единствено и незаборавно. Веќе не е доволно мажите само да клекнат и да го подадат прстенот. Технологијата на 21 век вмеша прсти и во чинот на запросувањето. Доколку сакате да го овековечите со видео моментот кога таа ќе каже да, не е потребно камерата да ја криете во некоја грмушка, туку да купите веренички прстен со кутија која има вградена камера.

Група американски студенти дошле до идеја да направат една таква кутија, кога нивниот колега ги замолил да се сокријат и да снимаат додека тој ја бара девојка си за сопруга. Тие направиле кутија за прстен на која има копче што  ја активира камерата која снима и видео и аудио. Создавачите на„Ring Cam“  велат дека нивната кутија за прстен е доста актуелна и чини околу 200 долари, а веќе многу парови засекогаш ќе го имаат видео моментот кога таа вели Да. Погледнете!