Винтиџ венчаница со корсет и гумени чизми: Памела Андерсон невеста по шести пат

Памела Андерсот по шести пат одлучи да стапи во брак, верувајќи дека оваа љубов со Ден Хејхурст ќе биде засекогаш.

Како пренесуваат странските медиуми, Андерсон и нејзиниот поранешен телохранител направиле интимна венчавка во Канада, а актерката одлучи ексклузивните фотографии да ги даде за „Дејли Мејл“.

„Вљубена сум. Се венчавме на Бадник, со благослов од нашите семејства и сите кои ги познаваме се среќни за нас. Се омажив на имотот кој го купив од моите баба и дедо пред 25 години. Тука се венчаа и моите родители и тие се' уште се заедно. Се чувствувам како да затворив цел круг“, изјави Андерсон.

Венчаницата овој пат е несекојдневна, спој на винтиџ и кантри стил. Има здолниште од тул со потпис на канадската дизајнерка Џоана Дилејни, додека горе има маичка со кратки ракави и краток корсет на половината кој е од модната куќа „Валентино“, од каде е и велот.

Изборот на чевли пак е необичен - гумени чизми од брендот „Hunter“.

Таа и нејзиниот телохранител се вљубиле за време на карантинот поради корона вирусот. 

„Таму сум каде што треба да бидам“ - сигурна е Памела, која воедно соопшти дека и целосно се повлекува од социјалните мрежи.

За потсетување, убавата блондинка претходно беше во брак со Томи Ли, Кид Рок, Рик Соломон (два пати) и Џон Питерс.