Ана де Армас е Мерилин Монро во првиот трејлер за „Blonde“

Netfliks го објави првиот трејлер за филмот „Blonde" на Ендрју Доминик, каде актерката Ана де Армас ќе се појави во улога на холивудската икона Мерилин Монро.

Филмот со рејтинг NC-17, е базиран на истоимениот роман и бестселер на Џојс Керол Оутс. Филмот, чија споредна актерска екипа ја сочинуваат Боби Канавал, Адриен Броди, Џулијан Николсон, Хавиер Семјуел и Еван Вилијамс, ќе биде премиерно прикажан на стриминг платформата Netflix на 23 септември.

Ана де Армас Како Мерилин Монро во „Blonde“ | Фото: Vulture

Според синопсисот на Netflix, „ „Blonde“ смело го прераскажува животот на една од најтрајните икони на Холивуд, Мерилин Монро. Од нејзиното нестабилно детство како Норма Џин, преку нејзиното издигнување до ѕвездени и романтични заплеткувања, „Blonde" ги замаглува линиите на фактите и фикцијата за да го истражи се поголемиот расцеп меѓу нејзиното јавна и приватна личност".

- Работевме на овој филм со часови, секој ден речиси една година. - открива Де Армас во интервју за медиумите. - Го прочитав романот на Џојс, проучував стотици фотографии, видеа, аудио снимки, филмови - сè што ќе ми дојде до рака. Секоја сцена е инспирирана од постоечка фотографија. Го разгледувавме секој детал на фотографијата и дебатиравме за она што се случува на неа. Првото прашање секогаш беше: „Што чувствува Норма Џин овде?" Сакавме да ја раскажеме човечката страна на нејзината приказна. Славата е она што ја направи Мерилин највидливата личност на светот, но ја направи Норма и најневидливата.

Ана де Армас Како Мерилин Монро во „Blonde“ | Фото: Netflix

Во една смела изјава на режисерот Доминик за вебсајтот Vulture, тој вели дека „Blonde" е „филм кој бара многу. Ако на публиката не и се допаѓа, тоа е проблем на публиката. Филмот не се кандидира за јавна функција. Има нешто во него што ќе ги навреди сите.“