Ако оваа пролет сакате нешто поинакво во вашиот дом, нешто со што ќе го разиграте секое катче, тогаш овие пом – пом додатоци се совршениот избор.
Талентираната берлинска дизајнерка Мира Клосе која во 2010 година го основа брендот „MYK“, денеска е една од најпопуларните кога станува збор за вакви колоритни колекции за домот.
Мира студирала моден дизајн на Универзитетот во Мадрид по што веднаш почнала со работа во Австрија и Германија каде и го стекнала искуството.
Инспирирана од модата, уметноста и внатрешниот дизајн, креативните идеи на Мира многу брзо се претвориле во уникатни и интересни парчиња мебел и додатоци за домот што сите ги обожаваат.
Во нејзината најпозната пом – пом колекција наречена Bommel таа смести неверојатно креативни и слатки килими, пернички, столици, стази за во бања и што уште не и тоа сите рачно изработени.
Бидете сигурни дека доколку се одлучите за нешто вакво за домот, ќе имате супер уникатно парче што ќе го забележат сите.
