Ултра талентираната Адел се чини имаше една од најдобрите години во нејзиниот живот.
Договорот со Сони вреден вртоглави 130 милиони долари кој беше запишан како еден од највредните договори било кога склучени со британски музичар, беше само една од прекрасните работи што и се случија.
Нејзината светска турнеја оди одлично, а слободното време таа го користи да ужива со нејзиниот син и вереник.
Планетарно популарната британска пејачка неодамна издвои речиси 10 милиони долари за неверојатна куќа на Беверли Хилс чија продажба поминува супер тајно.
Првично, фасцинантниот имот во елитната населба бил ставен на продажба за 9, 9 милиони долари, но пејачката го добила за 9, 5.
Според информации на американските медиуми, пејачката ќе биде во можност да се всели во истиот по завршувањето на нејзината турнеја.
Во новиот дом на Адел има четири спални соби, шест тоалети, базен, куќичка на дрво, па дури и цел сет со возови, најверојатно за нејзиниот син.
Елитната населба во која се очекува таа многу наскоро да се всели, за станари ги има Камерон Дијаз и Џенифер Лоренс меѓу останатите холивудски ѕвезди.
Погледнете како изгледа новиот американски дом на Адел.
