Дизајнирани чоколади со вкус на празнични желби

Сите сакаме чоколада! Особено кога тие се дизајнирани и носат некоја посебна порака, тогаш не само што се вкусни, туку добиваат една поинаква димензија на убаво спакувано уметничко дело.

Студиото за дизајн „Just Because" по повод 5 годишниот јубилеј од еден од највкусните производи - дизајнирани чоколади и празниците што ни претстојат, ве кани на слатка дружба на која ќе ги промовира новите дизајнирани чоколади што на еден посебен начин ќе ги пренесат вашите топли новогодишни желби до луѓето кои ви се особено драги.

„Овој декември има посебно значење за нашето студио - прославуваме 5 години од постоењето на еден од вашите омилени "Just Because" производи, дизајнираните чоколади кои ви помагаат да им ги пренесете празничните желби на луѓето кои ги сакате. Низ овие 5 години раскажавме многу приказни и измамивме безброј насмевки, а тоа е одличен повод кој сакаме да го одбележиме заедно со вас", велат од „Just Because".

Новата колекција на дизајнирани чоколади ќе се промовира во кафе бар "Casa", вечерва (12 декември), од 20 часот.