Ѕвездите од Беверли Хилс се обединија за поддршка на Шенон Доерти

Екипата на хит серијата од 90-те Beverly Hills 90210 се обедини на настанот 90s Con којшто се одржа викендов во Флорида.

Шенон Доерти, Џејсон Присли, Тори Спелинг, Џени Гарт, Брајан Остин Грин, Јан Зеринг и Габриел Картерис уште еднаш се појавија заедно на задоволство на големиот број фанови на популарната серија.

Сепак она што ги допре сите беше Шенон, која долго време се бори со ракот, а присуството на колегите беше голема поддршка.

Актерката не можеше да ги задржи емоциите додека одговараше на прашања од публиката, но и покрај сè, таа на момент успеа да се пошегува на сметка на нејзиниот приватен живот.

На крајот на панел дискусијата Доерти доби стоечки овации со огромен аплауз. 

"Ви благодарам многу. Знаете колку сакам да плачам, постојано. Во последно време само тоа го правам, како што изгледа. Затоа ви благодарам."

Фото: Instagram