Фестивалот Dimensions создаде нова музичка димензија во Пула

Еден од најпочитуваните и најатрактивните европски фестивали за електронска музика, Dimensions ги собра сите уживатели на електронските битови на магичната тврдина Punta Christo кај Пула, каде од 27-ми до 31-ви август се одржува неговото трето по ред издание.

Со спектакуларна програма и концерт на магичната пулска Арена, во среда стартуваше музичкиот маратон кој вклучува 200 изведувачи од светската електронска продукција со настапи распределени на дури 11 сцени, а покрај тоа се организирани и триесетина забави на бродови.

Меѓу водечките имиња кои годинава ќе придонесат за кулминација на атмосферата се: Darkside, Roy Ayers, Jon Hopkins, Moodymann, Theo Parrish, Juan Atkins & Moritz von Oswald, Underground Resistance Pres и уште многу други музички гуруа од електронската сцена.

Фестивалот Dimensions благодарение на специфичниот пристап при селекцијата на највозбудливите изведувачи, диџеи и продуценти, се позиционираше како еден од главните епицентри на електронската музика за што зборуваат бројните награди и признанија, како престижната награда UK festival award, за најдобар европски фестивал.

Екипа на Fashionel е присутна на настанот, па наскоро очекувајте комплетна галерија од највозбудливите моменти и највпечатливити фестивалски изгледи директно од Dimensions 2014.