Инспирацијата за новогодишно уредување на домот побарајте ја на Нетфликс

Можеби годинава не можеме во целост да уживаме во празничната атмосфера, но тоа не значи дека не можеме целата магија да ја пренесеме во нашиот дом.

Ако сте љубител на празничните декорации и уживате во осмислувањето на новогодишен амбиент во домот, тогаш оваа година инспирацијата можете да ја побарате на Нетфликс.

Конкретно мислиме на емисијата „"Holiday Home Makeover with Mr. Christmas". „Мистер Крисмас“ е дизајнерот на ентериер Бенџамин Бредли, кој во овој период од годината е вистински волшебник.

Со помош на декорации, кои најчесто ги изработува во својата работилница, сијалички, лампиони и други украси, создава магија.

Тој со својот тим комплетно ги преуредува домовите на клиентите, кои после преобразбата изгледаат како од новогодишен филм или излог.

Можеби не сите располагаме со тоа количество на украси, но сепак може да позајмиме некоја идеја и да направиме наша верзија на празничен декор.

А божиќните филмови, кои периодов често ги има на телевизиските канали, можат да бидат инспирација повеќе.

Во продолжение погледнете дел од решенијата на „Мистер Крисмас“.