Црвен килим на Модните оскари: Од тренди до кич комбинации

•

5 јуни 2019

Во Њујорк вчера се одржаа таканаречените Модни оскари, односно CFDA наградите кои ги доделува Советот на модни дизајнери на Америка.

Како што е веќе познато, наградата за Модна икона ѝ припадна на Џенифер Лопез, додека признанието за Најдобар дизајнер отиде во рацете на Брендон Максвел (за женска облека).

Во машка катергорија пак, Рик Овенс ја доби наградата за Најдобар дизајнер на машка облека.

За „Ново име“ во модната индустрија е прогласена Емили Адамс Боде, креативната директорка на брендот „Bode“.

Кога е дизајнот на модните додатоци во прашање, наградата отиде во рацете на сестрите Олсен, одлука која многумина ги изненади.

Основач на годината е Карин Ројтфелд, а најдобар моден новинар Лин Јагер.

Carine Roitfeld

Меѓународната награда „Валентино Гаравани и Џанкарло Џемети“ ѝ е доделена на Сара Бартон, креативната директорка на „Александар Меквин“. За крај, посебната нагрда на Управниот одбор замина во рацете на куклата „Барби“.

Освен наградите, во странските модни медиуми се коментираше и црвениот килим. Иако оваа манифестација ја нарекуваат „Модни оскари“, сепак стајлинзи за „Оскар“ се броеја на прсти.

Џенифер Лопез во креацијата на Ралф Лорен е на позитивната листа на најдобро облечени. Таму се и Амбер Валета во фантастичното колор-блок одело, Бела Хадид во светкава гламурозна креација на Мајкл Корс.

Amber Valletta In Alexander McQueen

Bella Hadid In Michael Kors

Моделот Камил Морон, девојката на Леонардо Дикаприо одржа лекција за класична елеганција во црно-белата комбинација. Меѓу добро облечените и Дајан Кругер во розовиот слип фустан, како и Доцен Крус во сосема „затворениот“ фустан со ролка, која сепак зрачеше со сексапил.

Camilla Morrone

Diana Kruger In Jason Wu

Doutzen Kros In Sies Marjan

Од друга страна пак, Бебе Реџа се појави во краток, светкав фустан, кој ѝ донесе место на листата на најлошо облечени. Ни комбинацијата на Емили Ратајковски не е баш среќна, иако поединечно се работи за трендовски парчиња.

Bebe Rexha In Jason Wu

Emily Ratajkowski In Hellessy

Хајди Клум ќе поминеше многу подобро да ги немаше темните хулахопки, а комбинацијата на Џоан Смолс е премногу обична и „средношколска“ за ваков настан.

Heidi Klum In J. Mendel