Пред две недели Џон Галијано откри дека ќе се врати на модната сцена, но не како моден дизајнер, туку како нов креативен директор на ланецот парфимерии L'Etoile, брендот за кој и претходно има работено како консултант.
Неговото пристигнување во Москва беше проследено со гламурозна прес конференција на која тој се појави на писта, а во позадина покрај музиката, Галијано беше најавен на следниот начин – Тој е човек кој знае што претставува убавината... Драги пријатели, чест ни е да ви го претставиме новиот креативен директор, познатиот гениј и иден креативен директор на L'Etoile – Џон Галијано.
На прес конференцијата покрај работните обврски на Галијано во врска со креирањето на нова козметичка линија, беше најавена и неговата улога во комерцијализацијата на брендот на меѓународниот пазар.