Голем концерт на Влатко Лозановски во март

„После повеќе од десет години на сцената, навистина дојде време за сигурно еден од најквалитетните вокали на Балканот во моментов, Влатко Лозаноски да има свој голем концерт во Скопје“.

Вака започнува соопштението на „Авалон продукција“ по повод првиот голем солистички концерт на младиот пејач.

После три студиски албуми и награди на над 20 фестивали во Макединија и во регионот, Лозаноски ќе се претстави пред македонската публика на 23-ти март во ВИП Арената, со почеток од 20:30 часот.

Од продукцијата велат дека концертот ќе биде со спектакуларна продукција, на ниво на светските концерти, затоа што Влатко Лозаноски заслужува ваков третман.

Влезниците ќе бидат пуштени во продажба од среда наутро (13-ти февруари) во 09 часот преку продажната мрежа на Авалон низ Македонија и онлајн на avalon.mk, по следните цени и категории:

ПАРТЕР- 500 денари
ФАН ПИТ- 800 денари
ТРИБИНИ- 700 денари
SILVER SEATS- 800 денари
GOLDEN SEATS- 900 денари
ВИП- 1.000 денари

„Сонце не ме грее", „Ова лето ќе се памти", „Јако јако", „Мандарина", „Километри" и уште многу други песни што ја одбележаа кариерата на Лозано, ќе прозвучат во живо во Скопје, а не се сомневаме дека ВИП арената за концертот на Лозано ќе биде полна до последно место.