Како се облекува принцезата Кејт кога прави коктели?

Кога станува збор за гардеробата што е предвидена да ја носат членовите на кралското семејство за време на службените турнеи, формулата е прилично сложена. Дипломатскиот изглед, функционалноста и професионалноста мора да бидат земени предвид, а наедно, тие треба да изгледаат и доволно пристапливо за обичниот граѓанин.

Фото: Vogue

Па така, принцезата од Велс, Кејт Мидлтон, минатата недела требаше да земе неколку фактори предвид и да се одлучи за комбинација која би била соодветна за повеќе пригоди, вклучително и посета на добротворната организација за спречување на самоубиствата во Ирска (PIPS), пазар на улична храна и прошетка покрај морскиот брег на Керик Конект.

Фото: Vogue

Одлуката на Кејт се сведе на пастелно сина Winser London кошула со долга јака која се врзува во долга панделка. Кошулата ја спои со палто во соодветна боја и темно сини LK Bennett панталони со висок струк и Gianvito Rossi салонки. Принцезата го заокружи својот елегантен изглед со Missoma обетки од родохрозит, како и Nano Montreal чантата на DeMellier.

Овој моден избор се покажа како особено практичен и удобен во одреден неочекуван момент кога вработените на пазарот ги поканија Кејт и Вилијам да се обидат во миксологијата, натпреварувајќи се еден против друг во правење коктели.

Фото: Vogue

На овој начин, Кејт уште еднаш докажува дека нејзината наклоност кон удобни, но елегантни и класични модни парчиња ѝ овозможува лесна прилагодливост на пригоди од различен тип.