Кејт и Вилијам ја објавија првата празнична честитка како принцеза и принц од Велс
•
14 декември 2022
Додека светот е „опседнат" со документарецот на Меган Маркл и Хари во продукција на Нетфликс, другото кралско семејство, Кејт Мидлтон и Вилијам на нивниот официјален Инстаграм профил ја објавија својата прва празнична честитка како принцеза и принц од Велс.
Традиционално секоја година кралското семејство објавува божиќна честитка пред празниците, со симболична семејна фотографија.
Овојпат семејната хармонија на кралското семејство ја документираше фотографот Мет Портеус, а на фотографијата се прикажани Вилијам, Кејт и нивните три деца Џорџ, Луис и Шарлот, како сите заедно се држат за рака, што ја пренесува пораката за заедништво и обединување.
По смртта на кралицата Елизабета Втора, Кејт и Вилијам ги добија титулите принцеза и принц од Велс.
