Креирај свој лавиринт - освој подарок!

Еден ден Томас, изненадувачки и не знаејќи како, ќе се најде опкружен од непозната група на млади луѓе, на огромната Ледина опколена со џиновски и застрашувачки Лавиринт...

Вака започнува приказната за постапокалиптичниот свет на режисерот Вес Бол, “Лавиринт – невозможно бегство” која ќе се најде на редовниот репертоар во нашите кина од 18. Септември. Во пресрет на филмот, дистрибутерската куќа МЦФ МКД ги повикува сите љубители на мистериозните авантури да нацртаат, фотографираат или да дизајнираат свој Лавиринт, и да освојат супер подароци!

Лавиринтот може да биде креиран од разни предмети, нацртан на маица, беџ, на ѕид како графит, корица од книга....Не е дозволено да се користат оригиналните визуелни елементи од филмот “Лавиринт – Невозможно бегство”(фотографија, официјалниот постер, официјалниот фонт).

Изработките ќе може да ги испратите  на следнава адреса mcfmkd@gmail.com, најдоцна до 14 Септември во 23.00 часот. Името на наградениот автор/ка ќе биде објавено на 17. Септември во 12.00 часот на Facebook страната на дистрибутерската куќа МЦФ МКД и на модниот портал fashionel.mk.

Најкреативното решение кое ќе го одбере тимот на МЦФ МКД ќе освои специјална награда  “Лавиринт-невозможно бегство” која е составена од качкет од филмот, привезок за клучеви и две влезници за филмот во термин по нивен избор. Додека пак, тимот на fashionel.mk ќе додели за пет креативни решенија по две влезници.

Приказната за постапокалиптичниот свет на режисерот Вес Бол, “Лавиринт – Невозможно бегство”, во нашите кина пристигнува на 18. Септември. Љубителите на мистериозните авантури кои во себе содржат елементи на трилер, ќе имаат можност во новиот трејлер на студиото “20^th Century Fox” да видат зошто ова остварување е најавено како едно од најочекуваните во 2014.

Во новиот трејлер се прикажува како во Ледината, опасниот гигантски Лавиринт преполн со тајни пристигнува Томас (Dilan O'Brajen), на кој му е избришано целосното помнење. Запознава момчиња кои преживуваат во Ледината веќе две години, обидувајќи се да пронајдат начин да побегнат низ Лавиринтот кој го опкружува нивниот животен простор. Момчињата сами одгледуваат храна и обезбедуваат основни работи за живот. На секои триесет дена во заедницата пристигнува ново момче. Во внатрешноста на ѕидините на новиот дом, Томас се обидува да се прилагоди во заедницата, но ги дознава и правилата на играта до кои мора да се придржува.

Со изгревањето на сонцето, ѕидовите на Лавиринтот се подигнуваат и посебна група на момчиња – тркачи добиваат можност да го пронајдат излезот. Кога еднаш ќе се најата во Лавиринтот и ако сфатат дека не можат да го пронајдат излезот, важно е да пред залезот на сонцето дојдат до Ледината. Ако не дојдат, мистериозни суштества се тука да им го згорчат животот. Никој жив не се вратил од Лавиринтот по ноќта помината во него.

Набргу по доаѓањето на Томас, меѓу заробените се појавува уште еден нов член – Тереса (Kaja Skodelario). Првата девојка во  Ледината предизвикува конфузија и сите се прашуваат што е следно, зашто таа донела неверојатна порака “Повеќе ништо нема да биде исто”.

Младиот актер  Dilan O'Brajen, актерското искуство го стекнал во телевизиската серија “Teen Wolf” и комедијата “Помлади референти”. Во другите улоги се Kaja Skodelario која е позната по серијата “Skins” и по улогата во музичкиот спот на пејачот Роби Вилиамс за песната “Candy”, и одличниот Tomas Brodi-Sangster, кој во моментов игра во серијата “Игра на троновите”, а познат е и по улогата во филмот “Љубов, всушност”.

Во продолжение можете да го погледнете трејлерот: