Малбери организираше моден пикник

Изминатиот викенд, модната куќа Малбери организираше моден пикник. Поводот беше успешната соработка со Кара Делевињ, а се одржа во рамки на познатиот британски фестивал Wilderness. Кара дизајнираше колекција за Малбери која брендот ја оцени како добра, што беше одличен повод за прослава.

За храната се погрижи младиот британски шеф и еден од моментално најпознатите британски готвачи, Џил Кларк, а гостите имаа можност да уживаат во дневна забава и да се фотографираат пред Land Rover-от со натпис „Cara Van“.

Кара Делевињ пак, ја претстави чантата со нејзин потпис, која од септември ќе биде достапна во дуќаните ширум светот и онлајн продавниците.