Нетипични модели во кампањата на Марк Џејкобс
•
16 јануари 2015
По минатата кампања за која моделите ги бираше преку Инстаграм, Марк Џејкобс одлучи успешната тактика повторно да ја примени за новиот проект и тоа за пролетната кампања, во која преовладуваат еклектични изгледи, минимално користење на шминка и интересни нијанси на прамени на косата.
Дејвид Симс и овој пат е заслужен за фотографиите кои беа направени во студио, а кампањата која во фокусот ги става токму младите модели, е доказ дека брендот е во тек со светските трендови. По оваа фото сесија, не се сомневаме дека лицата кои беа дел од овој проект ќе продолжат да бараат нови ангажмани како модели, а во продолжение погледнете ја кампањата, во која главни ѕвезди се тотално анонимни лица бирани преку Инстаграм и Твитер.