Откако тимот на Вог ја направи својата голема преселба од Тајм сквер во комплексот на Светскиот трговски центар во Њујорк, главното прашање кое се поставува е: како изгледа новата канцеларија на највлијателната модна уредничка, Ана Винтур?
Се разбира дека од неа не се очекува ништо помалку од тоа да го има најубавиот поглед од највисокиот облакодер во Америка, за што потврди и фотографијата која на Инстаграм ја објави модниот новинар Хемиш Боулс.
Според фотографијата, своето ново работно секојдневие уредничката ќе го поминува во пространа канцеларија, со доминантна природна светлина, со огромни стаклени прозори кои го отвараат погледот кон динамичниот град.
Сега Винтур ќе има дополнителна инспирација за професионален успех и одговор на новите предизвици.