Откако две храбри жени пред неколку дена успеаја да влезат во познатиот храм Сабаримала во државата Керала во Индија по укинувањето на забраната за влез во храмовите на жени во репродуктивен период, други пет милиони жени излегоа на масивен, мирен простест.
Сите светски медиуми пренесоа разни восхитувачки фотографии од протестот што траел околу 15 – тина минути, а преку кој жените во Индија сакаат да потенцираат на еднаквите права што ги имаат со мажите кои сè уште не се согласуваат со тоа жени од 10 до 50 годишна возраст да влегуваат во храмови.
За само 15 минути, жените формирале синџир долг речиси 600 километри со што уште еднаш потсетија дека и тие треба да бидат третирани еднакво и дека мора да се стави крај на праксата тие да бидат исклучувани од разни традиции.
Во средата, двете жени на возраст од 40 години, влегоа во еден од најпознатите храмови во Индија заедно со полициска придружба, а по нивното излегување, наводно храмот бил духовно прочистен од свештениците.
По нивната посета, сосема очекувано, мажите се кренаа на протести, а дел од нив станаа и агресивни, по што едно лице загина, а голем број беа повредени.
Во септември, судот во Индија ја отстрани забраната стара со векови во која се велеше дека жени во репродуктивен период, односно од 10 до 50 години, не смеат да влегуваат во свети храмови, по што следеа огромен број на протести.
Kerala always stands United for every cause so all women created a wall against gender bias.#againstgenderbias#KeralaWomenWall#Kerala#WomensWall pic.twitter.com/ddNz955d8i
— Rizvan (@rizvan_in) January 1, 2019
Светот остана фасциниран од масивниот протест и храброста на жените да се спротивстават на нешто за што многумина ќе потврдат дека е апсолутен апсурд.
Инфо: The Cut