Погледнете го новиот видео запис на Тамара Тодевска за ''Тешко Без Тебе''

Синоќа во Култниот Клуб ''Станица 26'' беше промовиран новиот видео запис на Тамара Тодевска за второ наградената композиција на „Скопски Фестивал 2013“ за темата ''Тешко Без Тебе'' дело на Роберт Билбилов и Тамара, додека аранжманот е на Роберт, а текстот е дело на маестро Игор Џамбазов.

Овој видео запис го изработи нејзината продукција “Горила Филм“, во продукција на “Македонска Радио и Телевизија“, под режисерската палка на Мерт Аслани, како директор на фотографија се потпишува Драган Паковски - Пако, додека за видео монтажата беше задолжен Милан Туциновски.

Во видео записот Тамара носи креации на Ивана Кнез, додека за нејзината шминка се погрижи мејкап артистот Арменд Рамадани. Благој Веселинов перфектно го одработи својот актерски дел за комплетно заокружување на целата приказна.

Тамара пред самата промоција одржа краток говор каде се заблагодари до сите колеги, фанови, медиуми, пријатели и помагатели кои постојано ја поддржауваат и најави дека овие неколку изминати години се само почеток на она што доправа следува од неа...

Уживајте во новиот видео спот!

&feature=youtu.be