Светската јавност веќе со месеци ја следи малата Меделин Стјуарт, која има Даунов синдром, но им покажа на сите дека тоа не треба да е пречка кон остварување на соништата. Сите беа восхитени од тоа дека австралијанката Меделин ќе зачекори на пистата за време на модната недела во Њујорк, и ќе си ја оствари желбата да стане познат модел, што и се случи.
На групната ревија на дизајнери, што се одржа викендов. Таа се појави во бела долга тоалета и во спортска варијанта, со маица на која на грбот пишува „I am NYFW“. Во придружба на двајца згодни манекени, таа сигурно зачекори на пистата.
После целосното доживување Меди изјави: „Беше забавно, се чувствував многу добро“.
И нејзината мајка Росан не можеше да ја сокрие возбудата: „Одлична беше! Навистина сум горда! Многу е слатка, нели?“.
Инаку, како и сите други, Меделин и Росан се појавија зад сцената точно во 9 часот наутро, кога и започнаа пробите, по што следеа интервјуата, па средување на косата и шминката. Како пренесуваат странските медиуми, час пред почетокот на шоуто, 18-годишната Стјуарт почувствувала притисок. Од бројните камери и гужвата, Меделин не успеала да си сокрие солзите, но нејзината мајка бргу и успешно реагирала.
-Таа е добро, само возбудена. Не спиеше цела ноќ. Сè е во ред, само има премногу камери, а кога се чувствува премногу возбудено и обземено од различни чувства, тогаш настапувам јас заштитнички – вели Росин, која беше сместена во првиот ред, во случај да треба да помогне.
На првото појавување на писта, Меделин изгледаше како професионалец. После 28-часовниот пат од Австралија и 12 часа активна подготовка за нејзиното деби, Меди на крајот призна дека само сака да спие. И заслужено.
Кој ќе биде нејзиниот следен ангажман и каде, останува да видиме. За потсетување, таа досега имаше неколку рекламни кампањи за спортска облека, како и за чанти, инспирирани и именувани од неа.