Што носеа најпознатите блогерки на NYFW?

Нивните блогови имаат огромен број кликови, а тие станаа ѕвезди за улична мода.Познатите светски блогерки овие денови го привлекуваат вниманието на многу фотографи во Њујорк, зашто се облечени во интересни комбинации што најчесто се спој од оригинални дизајнерски парчиња. Леандра Медин, Ханели Мустапарта, Енди Торес, Чиара Ферагани, Натали Суарез и Ајми Сонг, се блогерките  што имаат голема привилегија да седат во првите редови на модната недела во Њујорк, а нас не интересираше што облекоа на ова големо модно случување. Ханели Мустапарта изгледаше сензационално во црн фустан со средна должина, споен со мала чанта во јако сина боја и децентни црни сандали. Во бела макси кошула се појави Леандра Медин и покажа едно елегантно издание со вртоглаво високи потпетици и бела писмо чанта.

Leandra Medine / Hanneli Mustaparta

Блогерката Натали Суарез ги сака трансформациите, а овој пат таа облече лежерна комбинација од винтиџ блуза од тантела, памучна маичка и интересни чизми.

Natalie Suarez

Ферагани носеше Бурбери балондер во комбинација со Селин чанта и чизми од сопствената колекција, додека Енди Торес одлучи да носи црвен фустан од брендот Other Stories со кој соработува долго време.

Andy Torres

За крај ја издвоивме шарената комбинација на Ејми Сонг која привлекува најголемо внимание и тоа поради нејзиниот ведар дух и маркантниот стил.

Aimee Song