Србија ќе се претставува на париската недела на модата од 2023 година

Почнувајќи од 2023 година, Србија ќе се претставува на париската недела на модата.

Оваа вест перистигнува откако Француската модна федерација (Fédération de la Haute Couture et de la Mode - FHCM) избра две нови земји кои во иднина ќе бидат претставени на престижната модна недела во Париз (Paris Fashion Week - PFW), и тоа Португалија и Србија.

Фото: elle.rs

Првото претставување на Србија ќе се случи во периодот од 27 февруари до 7 март 2023 година, во издание на Париската модна недела за жени. Земајќи предвид дека медиумската моќ на париската модна недела е огромна, честа да се биде составен дел од FHCM е од историско значење за Србија и српската мода.

„Добрите познавачи на модата знаат дека FHCM е херметички затворен систем. По десет години напорна и континуирана работа на подигнување на квалитетот на Модната недела во Србија и брендирање на нашата земја во светот на модата на глобално ниво, како и постојана работа со експерти од нашиот бизнис во Франција, оваа година дојде долгоочекуваниот резултат. Ја постигнавме нашата одамна поставена цел, а тоа е да станеме дел од официјалната програма на FHCM.", вели во интервју за медиумите Светлана Хорват, претседател на Модната недела во Србија.

Фото: elle.rs

FHCM е основана во 1868 година како од Министерството за индустрија на Франција. Тоа е најстарото здружение од ваков вид во светот, со огромна традиција и строги правила. Познато е дека е единствената модна недела во светот која не дозволува платформи во своите календари (за разлика од сите други модни недели), и дека е речиси целосно затворена за странски брендови.

Самиот факт што оваа најстара и најпрестижна модна асоцијација во светот го избра SFW да биде под нејзино покровителство ќе ѝ донесе огромна промоција на Србија како земја. Српската модна недела ќе продолжи да се одржува во Нови Сад, секоја година наесен, со издание во Париз секоја пролет.

Фото: elle.rs