Викторија Бекам во празнично издание – црвено од глава до пети

Модната дизајнерка Викторија Бекам на својот Инстаграм профил објави фотографија со која покажа како се носи црвено од глава до пети, а сепак тоа да не изгледа тенденциозно или невкусно.

Напротив, сите парчиња во интензивна црвена боја, се разбира од нејзиниот бренд, функционираат одлично заедно, споени во една стилска целина.

Плетена црвена ролка, елегантно свилено здолниште и високи црвени чизми – се формулата за тренди празничен изглед.

Несомнено, и овој аутфит на Викторија беше поздравен од Инстаграм следбениците и оценет како перфектен.