Ема Ферер, внуката на Одри Хепберн по деби едиторијалот за септемвриското издание на „Harper’s Bazaar“ почна многу посериозно да ја сваќа модата. Овој пат таа за прв пат ќе зачекори и на писта од париската модна недела, поточно на шоуто на Ланван. Ферер за странските медиуми изјавува дека не чувствува никаква тензија и трема, иако нема искуство на модните писти.
-Модните ангажмани во моментот за мене се нешто многу големо. Не знам што да очекувам и како ќе бидам примена во модниот свет. Кога се фотографирав за едиторијалот мислев дека крајниот резултат нема да биде како што треба, но потајно чувствував некаква надеж и оптимизам, вели Ема.
Харизматичната 20-годишна девојка на њујоршката модна недела присуствуваше на ревиите на Ралф Лорен, Александар Ванг, Версаче, Каролина Херера, а со тоа покажа дека навистина претендира да се инволвира во големиот моден свет.
-Пријатно ми е што се уште не ме познаваат многу луѓе, па можам да уживам гледајќи ги колекциите, додава таа.
Инаку, Ема Ферер нема потпишано договор со ниедна агенција за модели, а нема ниту свој Инстаграм профил.