Вог ја подготвува својата изложба на столетието!

Култниот моден магазин Вог ќе ги сублимира најзначајните фотографии од неговото основање во 1916 година до денес што ќе бидат поставени во рамките на изложбата „Вог 100: век на стилот".

Изложбата со која британскиот Вог заокружува значаен јубилеј, ќе биде поставена на 20 февруари во Националната портретна галерија во Лондон.

Поставката ќе понуди величествена серија на фотографии кои имаа исклучително влијание во дефинирањето на ликот на глобалната модна сцена.

Фоотографиите со Кајт Мос во долна облека, насловниците на Питер Линдберг, сериите фотографии од Втората светска на фасцинантната фотографка, дописник и модел Ли Милер, се само дел од уметничките дела што зборуваат за сериозниот профил на овој магазин што ја има една од клучните позиции во креирањето на „амбиентот" во модниот свет.

Ќе бидат изложени над 280 фотографии, а изложбата ќе биде отворена со 22 мај.