Забранета реклама на Сен Лоран

Рекламата на модната куќа Сен Лоран за парфемот Black Opium, објавена во магазинот Elle, е цензурирана. Како пренесуваат медиумите, причината е најмувањето на модел кој изгледа нездраво слабо. Британската агенција за стандарди го прогласи таквото однесување на познатата модна куќа за неодговорно.

„Поради осветлувањето користено на сетот, преголем акцент се става на слабите нозе на моделката и ковчестиот граден кош, поради што девојката изгледа мошне нездраво и во јавноста праќа погрешна порака“, се вели во нивното соопштение до јавноста.

Од магазинот Elle сè уште нема коментар, а постојат шпекулации дека од модната куќа не се согласуваат со забелешката, иако официјално соопштение исто така уште нема.

Но, ова не е единствен случај. Неодамна британската агенција упати забрана и до кампањите на Миу Миу и Том Форд. Оттаму велат дека моделите мора да ги задоволат здравствените стандари, инаку во спротивно ќе има уште многу вакви забрани.

Инаку, моделот во кампањата на Сен Лорен е Кики Вилиемс, а креативниот директор на куќата, Хеди Слиман овој пат застана зад објективот.