Филмот „Last Year in Marienbad“ како инспирација за Шанел за модната недела во Париз

Додека голем број дизајнери се одлучија да одат во есктреми во нивните колекции за пролетта 2023 година, Шанел се одлучи да оди во поинаква насока и да се држи до својата потврдена формула за елеганција, формалност, смиреност и суптилност.

На овогодинешната ревија во рамки на Модната недела во Париз, моделите на Шанел беа видени во проѕирни наметки, шорцеви од твид и мрежести чорапи до колена како дел од колекцијата инспириана од филмот „Last Year in Marienbad" од 1961 година и идејата за слобода на движење.

Фото: Vogue

Доминираа белата, беж и црната боја кои креативната директорка Вирџини Вијард ги преточи во твид јакни со копчиња, макси и мини фустани, кратки шорцеви и кратки костуми со широки ногавици. Присутни беа и розови нијанси, златни парчиња, полка точки, пердуви и карнери.

Фото: Vogue

Колекцијата беше затворена со единечен бел макси фустан од тантела со црни детали и спуштен струк, потсетувајќи на силуетата од 20-тите и 40-тите години од минатиот век.

Фото: Vogue

Фото: Vogue

Парадата на црни фустани што му претходеа на овој финален изглед покажа некои невидени форми од Виард, како проѕирни поло блузи, здолништа со реси и фустани без прерамки.

Со оваа ревија Шанел докажа дека црната боја е далеку од здодевна и дека може да се користи како начин за потенцирање на текстурата. Шанел поторно се потврдува како бренд кој ја слави женственоста, со таа разлика што последната ревија понуди доста помладешки креации споредбено со поранешните.

Фото: Vogue

Погледнете како изгледаше ревијата на Шанел на Модната недела во Париз.

Фото: Vogue