Во духот на единствениот ден во годината кога лагите се дозволени, за вечерашната ваша трсформација нека ве инспирира лукбукот на дизајнерката Лесија Парамонова, за нејзината нова колекција за сезоната есен-зима 2014/15. Станува збор за модна бајка, каде главните протагонисти се таинствените суштества кои живеат во „Lesina LES'u“, а ги води слатката самовила, Стасија Короткова, која беше избрана за заштитно лице на овој проект.
Благодарение на „волшебната“ технологија, студиото е претворено во магична шума во која преовладуваат флоралните принтови, пастелните бои, воздушестите кошули и золништа и бајковитата шминка која создава една нова димензија паралелна на реалноста.
Парамонова преку својот креативен лукбук апелира дека светлината и креативниот дух пулсираат насекаде, па дури понекогаш можат да се пронајдат на чудни локации, кои ќе бидат неверојатно инспиративни за да се раскаже нешто поинакво и оригинално. Лукбукот го изработи фотографката Алина Валитова, која пред сè се водеше од желбата и приказната на дизајнерката.