Ресорт колекцијата на Дандас е совршена за лето

Модните брендови периодов ги презентираат Ресорт колекциите за 2022 година.  Нам вниманието ни го привлече онаа на Питер Дандас.

Тој најави учество на модната недела во Њујорк која е планирана во септември, а со оваа колекција само пушти „тизер“ за тоа што би можеле да очекуваме.

И тоа добар. Спојот на сексапил и летна естетика е направен умешно, а сепак и комерцијално. Тој им го нуди на жените она што сакаат да го носат - фустани што ја следат линијата на телото, но и широки одела, металик парчиња кои асоцираат на забава, но и цветни фустани, костими за капење и наметки за совршен изглед на одмор.

Дандас прави таква комбинација на парчиња што би посакале да ја имате целата колекција во гардероберот и да ви биде доволна за сите пригоди во претстојните месеци.

Нашиот фаворит се дефинитивно оделата кои веќе ги споменавме, како и мини фустаните со ракви.

Кој е вашиот?