Има 86-години, неговото име е Али и веројатно е личноста што денеска ќе ви го направи денот поубав.
Зошто?
Затоа што Али е доказ дека годините се само бројка, која не секогаш е реална претстава за тоа колку години има и вашиот дух. И секако, дека на секоја возраст можете да бидете личност со стил.
Али има турско-германско потекло, а го привлече вниманието на фотографката Зое Спавтон, бидејќи три години секојдневно поминувал покрај нејзиното работно место.
Зое и Али
Али се преселува од Турција во Германија уште пред четири децении. Некогаш бил доктор, но сега е кројач, па оттаму не изненадуваат неговите убави и интересни одела.
Зое почнала сосема спонтано да го фотографира, бидејќи ѝ бил интересен, но тоа прераснало во навика која траела три години ( од 2012 до 2015).
Во негова чест таа креира и блог насловен „Што носеше Али“ (What Ali Wore), каде е забележан неговиот стајлинг секое утро во тие три години.
Но, мора да напоменеме дека покрај убавите комбинации, редовен моден додаток на изгледот на Али се симпатичните мустаќи и насмевката под нив! И секако, ништо без талентот за позирање!
Навистина импресивно!
Во галеријата погледнете уште неколку од фотографиите:
