Со цел задоволување на сите потреби на потрошувачите на едно место, денеска се отвори 10 – тиот Супер Тинекс маркет во катната гаража на Јужен Булевар.
Објектот се простира на 1.300 м2, а во него работат 46 лица и во истиот се соддржат сите оддели за современо пазарување на едно место, од свежо месо и риба, пиљара, пекара, деликатеси, па сѐ до стандарните програми на артикли чиј асортиман брои повеќе од 12.000 производи.
Во новиот Супер Тинекс ќе најдете супер понуди и многу акции кои одлично ќе им послужат на граѓаните во пресрет на Велигденските празници.
Станува збор за модерно изведен објект со современа и висококвалитетна опрема. Новина во маркетот и воопшто во Македонија, е понудата на суво зреено месо кое зрее во комората во склоп на маркетот и кое моментално е во фаза на зреење, а наскоро истото ќе биде достапно продажба.
Воедно, просторот на маркетот го разубавува и веселиот детски агол, игротека која со голема љубов тимот на маркетот ја намени за најмладите посетители.
На ист ден во оваа катна гаража се отвори и првиот од ланецот објекти „Tinex to go“, еден нов концепт на ресторани со самопослужување кои се одлично решение за краток одмор поради богатата понуда на кафе, свежо цедени сокови, ладни сендвичи, салати и слатки.
Наскоро ќе се случи и отворањето на вториот „Tinex to go“, кој се наоѓа во населбата Аеродром, во склоп на Супер Тинекс Кончар.
„Ги повикувам скопјани да не посетат во овој нов Супер Тинекс за да уживаат во пазарењето и задоволни да излезат од овде, затоа што секогаш за нас тоа е главната и најважна мотивација“, изјави денеска Цветанка Христовска бренд директор во Тинекс.