Фузија на стилови, музички и стилски икони, импозантна сцена, уште пофасцинантна листа на изведувачи, манекенки, членови на кралското семејство, холивудски ѕвезди – од 21 до 26 јуни се случуваше еден од најмасовните светски фестивали Гластонбери 2017.
Radiohead, Foo Fighters, Ед Шеран, Дуа Липа, Кејти Пери беа меѓу ѕвездите што настапија во рамките на музичката програма, а исто толку познати и звучни имиња имаше и меѓу публиката.
Медиумите постојано ја следеа Маргот Роби која се појави во неколку супер кул изданија во духот на слободна и опуштена мода на фестивалот.
А еден стандарден „Гластонбери аутфит" задолжително содржи гумени чизми до колена, бохо накит, кратки маички со натпис од омилениот бенд, краток џинс, мини ранче...
Во галеријата погоре погледнете дел од највпечатливите стајлинзи.