Чуандо Тан е името на згодниот модел од Сингапур, за кој деновиве светските медиуми не престануваат да зборуваат.
Освен што изгледа беспрекорно, она што сите ги фасцинира е тоа што е веќе навлезен во шестата деценија, а веројатно не би му дале повеќе од 35-години.
Тој годинава наполни 50 години, но ако го погледнете неговиот Инстаграм профил ќе видите дека тој совршено му се спротиставува на забот на времето.
Инаку, освен со моделинг, сега се занимава и со фотографија, а за неговиот еликсир на младоста ќе каже дека е многу едноставен.
-Вежбам секојдневно, а избегнувам да се туширам доцна навечер или рано наутро. Знам дека сите така прават, но јас не. Тоа се единствените мои тајни за тоа како ги одржувам младоликоста на телото и лицето. А да, сакам многу да јадам и зачинето пилешко – вели моделот познат како Си-Ди.
Иако за него едноставно, оваа рутина за други може да биде незамислива. Сепак, гените си го направиле своето. Покрај беспрекорното тело, што може да се постигне со вежби и убавата кожа, тој може да се пофали и со густа црна коса, а во согласност со изгледот и стилот што го практикува е како за маж неколку децении помлад.
Веруваме дека многу жени би сакале да го гледаат уште долго пред камерите, но тој всушност сè повеќе е зад нив. Бизнисот што го започна со фотографија, вели оди одлично.
Освен модели, меѓу кои и славниот Дејвид Ганди, фотгорафира и познати личности од Азија, а може да се пофали дека пред неговиот апарат позирала и Џенет Џексон и тоа за насловната фотографија на албумот Discipline од 2008 година.
Тан освен што успеа да покаже дека со нега и труд (и несомнено генетика) можете да постигнете чуда за својот изглед, до некаде ги разбива и предрасудите за тоа како Азијатите изгледаат – а тоа е најчесто исти!