Како да исчистите кожна јакна?

Со оглед на тоа дека температурите се над просекот за ова време од годината, веруваме дека повеќе од вас сè уште не ги спакувале кожните јакни. А и ако планирате тоа да го сторите наскоро и притоа ќе сакате да ја исчистите од нечистотиите, советите во продолжение ќе ви бидат од корист:

 

 

 

View this post on Instagram

A post shared by XoSara Outfits (@xosara_outfits) onNov 7, 2018 at 6:57am PST

Отстранување мрсни дамки

...и притоа мислиме најмногу да делот на околувратникот и ракавите. Погледнете ги добро овие делови од јакната и ако забележавте дамки, послужете се со некој од триковите:

-Гума за бришење: добар сојузник во бришење на дамките од околувратникот. Избришете го овој дел од накната, а потоа поминете нежно со стара четкичка за заби (влакненцата нека не бидат премногу груби, да не ја оштетите кожата).

-Бебе пудра“: Истурете малку пудра врз дамката, оставете да делува макар 10 минути а вишокот на пудрата отстранете го со четкичка за заби. Ако дамките се длабински, тогаш чистењето оставете го на професионалци. 

 

 

 

View this post on Instagram

A post shared by INSTA VOGUE (@meheriftikhar) onNov 7, 2018 at 6:29am PST

Дамки од пот

-Сода бикарбона: Нежно тријте ја дамката со влажна крпа претходно навлажнета во раствор со сода и вода. Или пак, поминете го местото со влажна крпа, а потоа ставете сода и оставете да отстои неколку часа или преку ноќ, а потоа пребришете ја јакната со мека крпа или со хартиени бришачи.

Останати дамки

 

 

 

View this post on Instagram

A post shared by ilovestreetstyle (@myfashion_streetstyle) onNov 3, 2018 at 9:12pm PDT

-Паста за заби: На дамката нанесете многу мало количество паста за заби, но внимавајте да не е гел паста. Земете мека крпа и нежно тријте сè додека дамката не исчезне. Не претерувајте со триењето, за да не го оштетите површинскиот слој на кожата. Остатокот од пастата отстранете го со чиста и влажна крпа.

-Медицински алкохол: Ако на јакната забележите мувла, во тој случај помешајте малку медицински алкохол и вода во размер од 1:1. Натопете ја крпата во течноста и добро исцедете, а потоа пребришете го саканиот дел. Со друга влажна крпа повторно пребришете го истото место. Потоа нанесете соодветен омекнувач за кожа, за да спречите исушување и пукање на кожата, а со тоа ќе ја направите и малку поотпорна на идни дамки. Ако немате такво средство дома, направете го сами. Помешајте оцет и ленено масло во размер 1:2. Нанесете го на кожата и чекајте 15 минути, а потоа полирајте со чиста крпа, додека кожата не стане сјајна.